كليمة خفيفة: واللي يخاف !!

كليمة خفيفة

الكوراج

عم الطاهر بن عرب الله يرحمو …كان جارنا في الحومة ..
وكنت ساعة ساعة نمشي لدارو باش نقرى انا وولدو عبد الحق …. 
عم الطاهر… كان يحب يشجعنا وديما يحكي على مغاماتو
باعتبارو انو يخدم في مصلحة المطافي ببلدية صفاقس اللي نقولها الحرايق ..قبل ما تولي الحماية المدنية 
من بين الكلمات اللي كان ديما يعاود فيها

اسمعو لولاد ….. البانبي لازم الكوراج

يعني le pompier لازمو الشجاعة

كلامي عمي الطاهر تفكرتو الايام هذه 
البلاد تعيش على وقع ازمات كبيرة لازمها برشا كوراج 
والقرارات لازم تتنفذ

اما اذا نحكي على البلدية نزيد نتاكد ان كلامو صندي في صندي

سيد رئيس البلدية بعد اكثر من عام لازم تكون كيف البانبي 
عندك برشا كوراج

خاصة في مجال مقاومة الانتصاب الفوضوي 
اللي ولى كيف المرض الخبيث اللي ينخر جسم المدينة

لازم قرارات جريئة وتطبيق حازم 
وخاصة فيما يتعلق…بالانتصاب الفوضوي . بالشرطة البلدية …. والمرور …

صفاقس مدينة ذكية …… يلزمها تكون منظمة ونظيفة 
واللي يخاف……..

تدوينة لحافظ الهنتاتي

Advertisements

أخبار ذات صلة

Leave a Comment