تصريح صادم / الدكتور ماهر العباسي : الحجر الصحي العام خطأ قاتل و يترك الشعب في متاهة

اعتبر دكتور التخدير والانعاش ماهر العباسي اليوم في تدوينة على صفحته على فايسبوك أن الحجر الصحي العام خطأ قاتل و يترك الشعب بدون مناعة أمام فيروس بصدد التطور.

وأضاف العباسي :

” معهد پاستور في فرنسا يحذّر من موجة ثانية خطيرة متاع كورونا مع رفع الحجر نظرا للنسبة الضعيفة ياسر مالفرنسيس الي مرضو بالكورونا والي نظريا عندهم مناعة ( 3,7 مليون) …. سنغافورة الي نجحت في أنها تعمل سياسة ممتازة متاع تباعد إجتماعي وحجر صحي قاعدة تعرف في موجة ثانية عنيفة متاع كورونا ….. هذا هو مربط الفرس !!!!


الحجر الصحي الشامل الهدف متاعو هو نعديو بيه ذروة المرض ونقصو مالعدوى خاطر سبيطاراتنا تعباو … ونحميو بيه الناس المرضى والكبار قدر الإمكان حتى تنقص العدوى ( الي ماتنقص كان بالمناعة متاع التلقيح والا المناعة متاع المرض) .وعمرو الحجر الصحي ماكان إستراتيجيا للقضاء عالكورونا بالعكس هو سياسة توخر تفشي الفيروس في بلاد … السؤال : إلى متى توخر فيه ؟
عندكم دليل أنو يوفى في الصيف ؟ لا
عندكم دليل انو فمة تلقيح قريب يحضر ؟ لا
عندكم دليل أنو الكورونا مايرجعش في نوفمبر الجاي ؟ لا
عندكم دليل أنو مستحيل يتحوّل ويولي يحصد فيها كبيو وصغير والي يدبي عالحصير ؟ لا

===> باهي إنطلاقا من جميع الأسئلة هذي فسرولنا الإستراتيجيا متاع شهر ونص حجر صحي شامل … شنوة الهدف متاعها ؟ وخاصة هل إنتوما فاهمين أنو كيف تخلي شعبك ما يعملش مناعة راك تاخو في ريسك كبير ياسر لو كان يرجعلنا الفيروس العام الجاي وهو متحول ؟

===> الأسئلة هذي عمري ماسمعت مسؤول يحكي عليهم … بكلهم يتصرفو كا أنها حكاية الكورونا باش توفى السنة … وهذا خطأ قاتل !!!”

Advertisements

أخبار ذات صلة

Leave a Comment