بلديات صفاقس: توقف عملية رفع الفضلات المنزلية


بلديات صفاقس يهبطو منشور يعلنو فيه على قرار عدم رفع الفضلات المنزلية مستقبلا و تطلب من المواطنين باش يتصرفو في نفاياتهم و ترجّح السبب للاعتصام الي يقومو بيه أهالي عقارب … و الي هو احتجاج سلمي على تنفيذ قرار الغلق الي سبق و تم إصدارو من 2013 … الأهالي في عقارب متضررين من المصب الي مايبعدش 300 متر على السكان .. فما الي توفّى و الي فقد صغيرو و الي يعاني من أمراض و الي ضاق عليه النفس … و برشا مأساة يعانيو فيها بسبب مصب ما يتمش فيه الرسكلة اصلا … في خضم هذا الكل ، الجهات المعنية عوض عن إيجاد حلول بديلة قاعدة تحرض في المواطنين في جهة صفاقس على معارضة هذا الاعتصام و تحطو قدام الامر الواقع: اما يترفع الاعتصام و نرجعو نلمو الزبلة و نوضعوها غادي او راهو ماعندناش وين نهزو زبلتكم و اتصرفو فيها … لهنا متوقعين باش تصير خوضة و باش يخرجو في احتجاج موازي مطالبين برفع اعتصام عقارب… لكن الباهي في الحكاية انو كل متساكني صفاقس جاو ضد قرار بلدياتهم و متضامنين مع أهالي عقارب و مساندينهم في حقوقهم … و كان لزم حتى يخرجو يحتجو معاهم …



Advertisements

أخبار ذات صلة

Leave a Comment