بسبب كذبة : حالة وافدة تتسبب في حالة احتقان في المستشفى

نهار 10 أوت دخل مواطن لسبيطار جمال عندو ضيق نفس.. في ال guichet سألو الممرض عندكش واحد جاء مالخارج قال لا.. زاد سألو إنت منين قال من منزل كامل… ياخي الممرض شد صحيح كيفاش منزل كامل مافيهاش عايلة مافيهاش شكون في الخارج.. ياخي لهنا تدخل ولدو وقال الحقيقة راهو بابا جاء من فرنسا وعندو شهر ماللي دخل ولاباس عليه juste اليوم راهو حس بضيق نفس… أيا حاصيلو اطمأن الفرملي وخاصة كيف زاد قاسلو السخانة يلقاها عادية 37 درجة وحطو يستنى في دوره باش يقابل الطبيب… أيا حاصيلو بعد عشرين دقيقة دخل يقابل الطبيب يلقاه السخانة تقلي فيه 41 ياخي قالو مانعدي عليك كان ماتعطيني الصحيح موش نرمال في أربعة دراج تطلعلك السخانة…


ولهنا كانت الصاعقة على الجميع
قالو راني جيت عندي ثلاثة أيام من فرنسا موش شهر وراني ماللي جيت عندي السخانة وراني كيف هابط للمطار شربت حربوشة doliprane باش نتعدى ما عنديش السخانة وراني توة قبل ما نجيكم شربت كعيبة doliprane باش ما تفيقوش عندي كورونا راني جيت نحب نتفرهد موش باش نعدي ربطية في الحجر الإجباري.. وبرجولية عديلي شوية oxygène خلي يتنحى ضيق النفس والسخانة هاني نقاوم فيها بال doliprane…
أيا جبدولو تحليل وطلع بوزيتيف والنتيجة الطبيب في الحجر هو وشطر الفراملية اللي يخدموا الليلة هاذيكة في انتظار غدوة يجبدولهم تحاليل و إن شاء الله تكون سلبية.. والنتيجة الأخرى حالة بلبلة كبيرة في صفوف الإطارات الطبية وشبه الطبية بمستشفى جمال.

Advertisements

أخبار ذات صلة

Leave a Comment