اليوتوبر الالماني “جوش كاهيل ” و فضائح الخطوط التونسية

يوتوبر الماني اسمو “جوش كاهيل ” معروف برشا ويسافر برشا، مختص بالطيارات و المطارات ويحكي عالخدمات المقدمة فيهم، نزّل البارح فيديو خاص بمروره بمطار قرطاج ورحلته على متن الخطوط التونسية، ،، فضيحة صراحة . السيد بدا بجناح الامتياز الي مخصص للناس الي قاصة تذكرة بزنس كلاس ، ما لقى لا موظفين ولا خدامة ،، و ما فمة حتى حاجة ينجم ياكلها او يشربها ، و فوق من هذا الوسخ وبقايا الماكلة والدخان .. امبعد طلع طائرة A330 للتونسار في جناح الاعمال المعروف بال BUSINESS CLASS في اتجاه كندا ، الفضيحة الاخرى في الماكلة عطوه كعبة كايك متاع 250 فرنك وكعبة ياغروت à boire !!! تصوّروا .. السيد عدّى فيديو يفرّك فيهم على مطار قرطاج و تونيسار والسيد بما انو مشهور ومحل ثقة من متابعينو ، التعليقات من مختلف دول العالم كلها تحشم. هذه صورة مؤلمة لبلادنا وشركتنا وسياحتها. بين قوسين الحاجة الوحيدة الي مازالتنا تفرح هي كفاءة طيارينا، ولكن هذا غير كافي.

Advertisements

أخبار ذات صلة

Leave a Comment