الرائد الرسمي يحمل لغزا و ملف فساد جديد في الافق للفخفاخ!


كشف النائب ياسين العياري أن حكومة 18% بطالة، -21% نمو، العبث بصحة التوانسة بتلوين الدول حسب الطلب تضرب من جديد! و دائما من مجال البيئة ما خرجناش!واضاف العياري في تدوينة على فايسبوك لأسباب يبدو أن ورائها صفقة، تفخفيخة، قررت الحكومة في آخر أيامها، العودة للأكياس البلاستيكية لنقل الإسمنت!وتساءل العياري لفائدة من قرار الساعات الأخيرة؟ لمصلحة من؟ علاش تضحيو بالبيئة و صحة أولادنا؟ لأي لوبي رضختم و مقابل ماذا؟ ما حبيتوش تحشموا؟ ما كفاكمش حجم الفضائح؟واستتنكر ما كفاكمش تلوثكم السياسي و المالي، وليتوا تلوثوا في البلاد؟ في بالكم بش تعملوا تفخفيخات الخروج؟ تضمنوا حويجة على حساب البلاد؟

تمسخوا بلادنا لفائدة أصحابكم؟ فلأبشركم : يبطى شوية! وعدا! سنبحث عن المستفيد الحقيقي، و لشكون بعتم بلادنا و صحة أولادنا و نلاحقكم في المحاكم و ستدفعون الثمن! و ماكم جربتونا : حين نقول؟ نفعل! تنحي أكياس روقية تنجم تكون مضادة للماء و تعوضها بأكياس البوليستار الي البصمة الكربونية متاعها أكثر مرتين و نص، بأكياس البوليستار الي تسيب في الماء معادن ثقيلة و ماهيش بيودغرادابل، هذه جريمة في حق الأجيال القادمة! ستبقى تونس خضراء، رغما عنكم و عن تفخفيخ الدقيقة تسعين!

Advertisements

أخبار ذات صلة

Leave a Comment